ప్రజల సంక్షేమమే కాంగ్రెస్ ప్రభుత్వ లక్ష్యమని షాద్ నగర్ ఎమ్మెల్యే వీరపల్లి శంకర్ అన్నారు. బీఆర్ఎస్ పార్టీ ప్రజాధనాన్ని పదేళ్లు దోచుకుందని... కాని కాంగ్రెస్ పార్టీ ప్రజలకే వినియోగిస్తుందన్నారు. రంగారెడ్డి జిల్లాలో ప్రజాపాలన సంబరాల్లో షాద్ నగర్ ఎమ్మెల్యేతో పాటు పలువురు అధికారులు పాల్గొన్నారు. ఈ కార్యక్రమంలో ఆయన మాట్లాడుతూ..తెలంగాణలో కాంగ్రెస్ అధికారంలోకి రావడంతోనే ప్రజా పాలన మొదలైందంటూ... పదేళ్లు కేసీఆర్ పాలనలో ప్రజలు నానా కష్టాలు అనుభవించారన్నారు. బీఆర్ఎస్ పాలనలో ఆక్రమణలు.. అవినీతి తప్ప.. అభివృద్ది లేదన్నారు. సీఎం రేవంత్ రెడ్డి ఆధ్వర్యంలో .. కాంగ్రెస్ పార్టీ .. జాతీయ పార్టీగా గ్యారంటీలను అమలు చేస్తూ ప్రజల్లోకి వెళ్లిందన్నారు.
అధికారం కోల్నోయిన బీఆర్ఎస్ నేతలకు మతి భ్రమించి.. అబద్దపు ప్రచారాలతో ప్రజలను తప్పుదోవ పట్టిస్తున్నారంటూ... మహిళలకు ఉచిత బస్సు ప్రయాణం, ఉచిత కరెంటు బిల్లులు, ఉచిత సిలిండర్ తో పాటు ఎన్నో సంక్షేమ పథకాలను అమలు చేస్తున్నామన్నారు. కాంగ్రెస్ కార్యకర్తలు.. లీడర్లు సంక్షేమ పథకాల గురించి విస్తృతంగా ప్రచారం చేయాలంటూ.. ఎల్లప్పుడూ కాంగ్రెస్ పార్టీ మాత్రమే ప్రజలకు అండగా ఉంటుందన్నారు.
